Hashim Adam Irraa*
Qabsaayota dhugaa
Jara saabaaf kufan
Mana hoo’a irra bosona filatan
Nutis ilmaan namaa, garbaa miti jedhan
Jara seena boonsaa kana bu’uursan
Galatoomaa jennaan
Bilisummaa yookiin du’a filatanii
Daggala Oromiyaa waajjira godhatanii
Ol ka’an gootonni qawwee fannifatanii
Goototas horan, fakkeenya ta’anii
Gariin isaa goobanuus
Kuun Kaayyoo-saanii ganus
Kuun biyya-rraa fagaatee jiruu duukaa hahus
Qaanqeen isaan qabsiisan hin dhaamne
Kaayyoon isaan kaayan of duuba hin deebine
Daandiin isaan saaqan takkahuu hin cufamne
Yaa gootota teenna
Woreegama qaalii sabaaf gumaachitan
Dukkana keessaa ifatti nu baaftan
Afaan keenya du’e boollaa ol kaaftan
Aadaa teenya badde lubbuu itti hortan
Seenaa faallefamte dhiigaan barreessitan
Laafee teessaniin Galma nuuf ijaartan
Garaa hin filanne
Beelaa fii dheebuudhaaf harka hin kennanne
Miilli keessan deemuu takkaa hin hifanne
Maallaqaa fii aangoonis isin hin hawanne
Oromummaa malee gandaan of hin yaamne
Isiinii kanaan gootota Oromiyaa jennee
Daandiin isin saaqxan sirrii ta’uu hubannee
Bilisummaa filannee
Faajjii isin keettan jalatti ijaaramne(X2)!
——————–
* Barreessaan Hashim Adam @ FaceBook.com/Hashim.Adam